Pages

Wednesday, 20 November 2019

ගෝඨාගමනය

‘‘බොරුවක් විශාල ලෙස පවසන්න. එය නිරතුරුව පවසන විට ජනතාව විශ්වාස කරයි’’ 


 ශ‍්‍රී ලංකා ඉතිහාසයේ වෙනත් කිසිදු ජනපතිවරයකුට එල්ල නොවූ චෝදනා ජනාධිපති ලෙස පත්වූ ගෝඨාභය රාජපක්‍ෂ මහතාට එල්ල විය.
 
 මේ එම දීන කි‍්‍රයාදාමය මෙහෙයවූවන්
 
 ⋆ ෆේස්බුක් අඩවිකරුවන් 200 යි
 
 ⋆ විදෙස් අරමුදල් ලබන එන්.ජී. ඕ ප‍්‍රධානීන් පහක් සහ කි‍්‍රයාකාරීහු 257 යි
 
 ⋆ විදේශ රාජ්‍ය නොවන සංවිධාන 47
 
 ⋆ කොටි ඩයස්පෝරාව
 
 ⋆ කොළඹ ඇමරිකානු, බි‍්‍රතාන්‍ය, ජර්මානු, ප‍්‍රංශ, ස්විස්, නෝර්වේ, ඔස්ටේ‍්‍රලියානු කැනඩා තානාපති කාර්යාල
 
 ⋆ ඉන්දීය රෝ බුද්ධි සේවාව සහ කොළඹ රෝ ඒජන්තවරු පිරිස
 
 ⋆ උතුරේ කොටි හිතවාදීන්
 
 ⋆ ද්‍රවිඩ සන්ධානය
 
 ⋆ දේශපාලනයට පැමිණි නවක මන්ත‍්‍රීවරු පිරිසක්
 
 මෙවන් පසුබිමක් මැද හිටපු ආරක්‍ෂක ලේකම්වරයා යුද්ධයට බයේ හමුදාවෙන් පැනගිය බවට ද්‍රෝහී පාර්ශ්ව ගතවූ කාලය මුළුල්ලේ ප‍්‍රචාරය කරනු ලැබීය. එහෙත් 1985 වසරේ සැප්තැම්බර් 27 දා අනුරාධපුර සාලියපුර හමුදා කඳවුරේ පළමු ගජබා රෙජිමේන්තුවේ දෙවැනි අණදෙන නිලධාරියා ලෙස කටයුතු කළ ගෝ්්ඨාභය රාජපක්‍ෂට මහවිලච්චිය පොලිසියට කොටි පහරදෙන බවට ලත් තොරතුරු මත සිය කඳවුරේ සිටි නවක භට පිරිසක් සමඟ එම ස්ථානයට පිටත්විය. ඒවනවිට කොටි ප‍්‍රහාරය නිමකර විල්පත්තුව කැලයට පලාගොස් තිබුණි. මේ බව තහවුරු කරගත්, ගෝඨාභය රාජපක්‍ෂ කොටින්ට පෙර විල්පත්තු සීමාවට අවතීර්ණ විය. එකල කොටි පසුපස හඹාගොස් ප‍්‍රහාර එල්ල කිරීමේ ක‍්‍රමවේදය කි‍්‍රයාත්මක නොවුණි. එහෙත් ගෝඨාභය විල්පත්තු කැලයේ ඉදිරියට එමින් සිටි කොටින්ට ප‍්‍රහාර එල්ල කිරීමට භට පිරිසට නියෝග කළේය. එහිදී කොටි හයදෙනකු මරුමුවට පත්වූ අතර තුවාල ලබාසිටි කොටි දෙදෙනෙක් අල්ලා ගැනීමටද හැකිවිය.
 
 මෙහිදී එක් හමුදා භටයෙක් ජීවිතක්‍ෂයට පත්විය.
 
 මෙරට හමුදා ඉතිහාසයේ ප‍්‍රථම වරට පැවැත්වූ වීරක‍්‍රියාව උදෙසාවූ වීර පදක්කම් පැලඳීමේ උත්සවයේදී එවකට ජනපතිව සිටි ජේ. ආර්. ජයවර්ධන විසින් ගෝඨාභයටද වීර සම්මානය පිරිනැමීය. ජේ. ආර්. ජයවර්ධන විසින් එහිදී 15 කට වීර පදක්කම් පිරිනමනු ලැබිණි.
 
 එහෙත් සතුරෝ මෙම සිද්ධිය වසන් කර ඇත.
 
 1971 අපේ‍්‍රල් 26 දා කැඩෙට් නිලධාරියකු ලෙස හමුදාවට බැඳුණු ගෝඨාභය රාජපක්‍ෂ 1972 මැයි 25 දා දෙවැනි ලූතිනන්වරයකු ලෙස හමුදා දිවිය ආරම්භ කළේය.
 
 1982 දී මේජර් නිලය උදෙසා මාණ්ඩලික පාඨමාලාවක් හැදෑරීම සඳහා ඉන්දියාවේ හමුදා විiාපීඨයට හමුදා නිලධාරින් යැවීමේ විභාගයක් පැවැත්වුණි.
 
 එහිදී එම විභාගයෙන් පළමුවැනියා වී ඉන්දීය පාඨමාලාව හැදෑරීම සඳහා ඔහු සුදුසුකම් ලැබීය. මේ පාඨමාලාවට හිටපු හමුදාපති සරත් ෆොන්සේකාද පෙනී සිටියේය.
 
 අනතුරුව රජරට රයිපල්ස් සහ සිංහ රෙජිමේන්තුවේ සේවය කළ ගෝඨාභය රාජපක්‍ෂ 1983 එ.ජා.ප. පාලනය තුළ ගජබා සේනාංකයට මාරු කෙරුණි.
 
 ඉන්පසු වඩමාරච්චි මෙහෙයුම සමයේ 1 වැනි ගජබා රෙජිමේන්තුවේ අණදෙන නිලධාරියා ලෙස කටයුතු කළ ගෝඨාභය රාජපක්‍ෂගේ විධායක අධිකාරි ලෙස ලූතිනන් ශවේන්ද්‍ර සිල්වා කි‍්‍රයාකළේය.
 
 1987 මැයි 26 දා වඩමාරච්චි මෙහෙයුම ආරම්භ වූ අතර දින දෙකක් තුළ උඩුප්පිඩි - වැල්වැටිතුරේ සහ පේදුරුතුඩුව යන ප‍්‍රදේශ මුළුමනින්ම හමුදා පාලනයට නතුවිය.
 
 මෙම වඩමාරච්චි මෙහෙයුමේ විශේෂත්වය වූයේ ජංගම මෙහෙයුම් මධ්‍යස්ථානයක් ලෙස භාවිත කිරීමට බෆල් යුද රියක් ලබාදී තිබීමයි. වඩමාරච්චි මෙහෙයුම ආරම්භ වී සුළු වේලාවකට පසු පළමු ගජබා සේනාංකයට ලබාදී තිබූ බෆල් රිය බිම් බෝම්බයකින් විනාශ විය. එහිදී සෙබළුන් සිතුවේ බෆල් රියේ ගෝඨාභය සිටි බවයි. එහෙත් මෙහෙයුම ආරම්භයේ සිට ගෝඨාභය රාජපක්‍ෂ සෙබළුන් එක්ව ගමන් කළ නිසා කොටි උත්සාහය ව්‍යාර්ථ විය.
 
 1990 වසරේදී ස්ට‍්‍රයික් ගාඞ් සහ ති‍්‍රවිධ බලය යන මෙහෙයුම්වල ආඥාපති ලෙස කටයුතු කළ ගෝඨාභය රාජපක්‍ෂ 1992 වසරේ ලූතිනන් කර්නල් ධුරයට පත්විය. ඉන්පසු කොතලාවල ආරක්‍ෂක විශ්වවිiාලයේ ප‍්‍රධාන ධුරය හිමිකරගත් ගෝඨාභය 1992 දී විශ‍්‍රාම ඉල්ලා අයදුම් කර ඇමරිකාවට ගියේය.
 
 එ.ජා.ප දේශපාලකයන් විසින් ගෝඨාභය ඇමරිකාවට පැනගිය බව කියන්නේ මේ නිසාය. එවකට ආරක්‍ෂක රාජ්‍ය අමාත්‍යවරයා විසින් ගෝඨාභයගේ විශ‍්‍රාම යෑම අනුමත කර තිබුණි.
 
 වසර 20 ක් තිස්සේ ඊලම් යුද්ධ තුනකට සම්බන්ධ වී සටන් කර මෙරටින් යාමට මුල්වූයේ එදා යුද්ධය කොටින්ට අවශ්‍ය ලෙස සිදුවීම නිසාය.
 
 ආරක්‍ෂක අමාත්‍යාංශයේ ලේකම් ලෙස පත්වීමෙන් පසු ගුවන් හමුදාවේ පිරිස් බලය 18000 සිට 35000 ක් දක්වා ඔහු වැඩි කළේය. නාවික පිරිස් බලය 25000 සිට 55000 දක්වාද යුද හමුදාව 120,000 සිට 20,0000 දක්වාද වැඩි කළේය.
 
 වන්නි මෙහෙයුම සමයේ කෙයාර් සංවිධානයට සම්බන්ධව සිටි කොටි ගෝඨාභය රාජපක්‍ෂ ඝාතනය කිරීමට දැරූ උත්සාහය ව්‍යර්ථ විය.
 
 ඉන්පසු 2006 දෙසැම්බර් 1 දා කොල්ලූපිටියේ පිත්තල හන්දියේදී මරාගෙන මැරෙන කොටි ගෝඨාභය රාජපක්‍ෂ ඝාතනය කිරීමට දැරූ ප‍්‍රයත්නයද අසාර්ථක විය.
 
 ඒ අනුව ඝාතන උත්සාහයන් තුනක ඉලක්කය බවට ඔහු පත්විය.
 
 පිත්තල හන්දියේ සිදුවූ මරාගෙන මැරෙන ප‍්‍රහාරය ගැන හමුදාපති සරත් ෆොන්සේකා පැවසුවේ එය ජනතා අනුකම්පාව ලබාගැනීමට ගෝඨාභය දියත් කළ මෙහෙයුමක් බවයි.
 
 ජනතාවගේ අනුකම්පාව දිනාගැනීමට මරාගෙන මැරෙන බෝම්බකරුවකු යොදාගැනීමට ආරක්‍ෂක ලේකම්වරයකු කි‍්‍රයාකරනු ඇතැයි විශ්වාස කළ හැකිද?
 
 වන්නි මෙහෙයුම ජයගත හැකි බව පැවසුවේ ගෝඨාභය රාජපක්‍ෂ පමණි.
 
 ඉන්දීය බුද්ධි සේවාවේ හිටපු ප‍්‍රධානි බී. රාමන් පැවසුවේ ගෝඨාභය රාජපක්‍ෂ ඉල්ලාගෙන කන බවයි.
 
 ඉන්දීය සාම හමුදාවේ හිටපු බුද්ධි ප‍්‍රධානි කර්නල් හරිහරන්ද කීවේ ගෝඨාභය රාජපක්‍ෂ ප‍්‍රමුඛ හමුදාව පරදින බවයි.
 
 නෝර්වේ සාම කටයුතු ඇමැති එරික් සෝල්හයිම්ද මෙරටට පැමිණ පැවසුවේ ප‍්‍රභාකරන් යුද්ධ කරන හැටි තමා දුටු බවත් ඔහුව පරාජය කළ නොහැකි බවත්ය.
 
 එහෙත් ගෝඨාභය වන්නි මෙහෙයුම ජයගන්නා බව තමන්ට පැවැසූ බව සෝල්හයිම් පළ කළේය.
 
 මේ පසුබිම මැද විදේශ රාජ්‍ය නොවන සංවිධාන 117 ක් ගෝඨාභයට එරෙහි විය. දකුණු අපි‍්‍රකානු අගරදගුරු ඩෙස්මන්ට් ටුටු, දේවගැති ජෙසී ජැක්සන් ඉන්දීය ලේඛිකා අරුන්දතී රෝයිද වන්නි මෙහෙයුමට යන ගෝඨාභයට එරෙහි විය.
 
 එසේ වූවත් වන්නි මෙහෙයුම නතර කිරීමට ඔවුන්ට නොහැකි විය. යුද්ධය ජයගැනීමෙන් පසු දෙස් විදෙස් සතුරන් රැුසක් ගෝඨාභයට එරෙහිව මහා පරිමාණයෙන් කි‍්‍රයාත්මක විය.
 
 තාජුඞීන්, ලසන්ත වික‍්‍රමතුංග ඝාතන ගැනද ඔහුට චෝදනා කෙරුණි. පැහැරගෙන යාම් ගැනද සාක්කි නැතත් චෝදනා එල්ල විය. රජයේ සිංහල සහ ඉංග‍්‍රීසි මාධ්‍ය අතුරුදන්වූ කොටි ගැනද චෝදනා කළේ ගෝඨාභය රාජපක්‍ෂටය.
 
 සතුරන්, ද්‍රෝහීන් සහ චරපුරුෂයෝ නොකඩවාම ප‍්‍රහාර එල්ල කරද්දී ගෝඨාභය රාජපක්‍ෂ සැලූනේ නැත.
 
 පසුව ඔහුගේ සතුරෝ සෝමාලියානු මුහුදු කොල්ලකරුවන්ට සහ අල් ෂහබාබ් ත‍්‍රස්ත කල්ලිය ද ඔහු සම්බන්ධ යයි චෝදනා කළහ.
 
 මේ සතුරු කි‍්‍රයාදාමය කොතරම් උග‍්‍රව කි‍්‍රයාත්මක වූවාද කිවහොත් ඔහුගේ පුරවැසි බවද අධිකරණය දක්වාම ගෙනයාමට කි‍්‍රයාකළහ.
 
 මේ තත්ත්වය මත ලෝක ඉතිහාසයේ අවමන් සහගත තත්ත්වයකට මුහුණ පා ජය ලැබූ මෙවන් ජනාධිපතිවරයෙක් නැත.
 
 කොතරම් අවලාද එල්ල වූවත් ගෝඨාභය රාජපක්‍ෂ සටන අත්හැරියේ නැත. පසුගිය 16 වැනිදා ගෝඨාභය වෙනුවෙන් ප‍්‍රතිචාර දැක්වූයේ රටේ ජනතාවගෙන් ලක්‍ෂ 69 ක අතිවිශාල ජනසමූහයකි.
 
 විදේශ මාධ්‍ය මෙවන් ප‍්‍රතිචාරයක් කිසිවිටෙක බලාපොරොත්තු වුණේ නැත.
 
 වන්නි මෙහෙයුම ජයගැනීමෙන් පසු හිටපු ආරක්‍ෂක ලේකම්වරයා ලත් විශිෂ්ටතම ජයග‍්‍රහණය ජනපතිවරණ ජයයි.
 
 එම ජයග‍්‍රහණය කිසිවකුටත් නතර කිරීමට නොහැකි විය.
 
 නොවැම්බර් 16 දා පැවැති ජනපතිවරණයෙන් ගෝඨාභය රාජපක්‍ෂ ජය ගැනීමත් සමඟම කොටි ඩයස්පෝරාව බරපතළ ප‍්‍රශ්නයකට මුහුණ පෑවේය.
 
 අපේ සතුරා ජයගෙන ඇත. එය නතර කිරීමට අපට නොහැකිවුණා යයි බි‍්‍රතාන්‍ය ද්‍රවිඩ සංසදය කියා සිටියේය.

 

 කීර්ති වර්ණකුලසූරිය දිවයින පුවත්පතට ලියූ ලිපියකි.

Thursday, 14 November 2019

සිංහලයා පරදවන්නට සජිත්ට ඡන්දය

සිංහලයා පැරදවිය හැක්කේ සජිත්ට ඡන්දය දීමෙන් පමණයි.



ඒ මදිවට ඒකීය රාජ්‍යය ප්‍රතික්ෂේප කරනවා.



මේවනෙ ජාතිවාදී ප්‍රකාශ


දෙමළ ‌අවස්ථාවාදය පරදන්න ‌ගෝඨා ට ඡන්දය ‌දෙන්න කිව්ව නං බලන්න තිබුණා.
තොපි අමු  ජාතිවාදියෝ කියයි. 
දැන් සුමන්තිරන්ලා ‌මොක්කුද ?




සජිත් වටා ‌‌රොක්  වන දෙමළ අවස්ථාවාදය පරදන්න 
ගෝඨා ට ඡන්දය ‌දෙමු.

ඇමරිකානු පුරවැසිභාවය අවලංගු කෙරුණා...







යම් පුද්ගලයකුට ඇමරිකානු පුරවැසිභාවය ඉවත් කිරීමේ සහතිකය ලැබුණු පසු එම පුද්ගලයා ඇමෙරිකානු පුරවැසිභාවය සම්පූර්ණයෙන් ඉවත් කෙරුණු පුද්ගලයකු ලෙස සැලකෙන බව
- ඇමරිකානු තානාපති කාර්යාලයේ නිල ප්‍රකාශිකා නැන්සි වැන්ගොන් කියයි.









ගෝඨාභය රාජපක්‍ෂ මහතාගේ නම මෙතෙක් ෆෙඩරල් ලේඛනයේ පළ වී නොමැතිවීමට අදාළව පසුගිය දිනවල යළිත් ආන්දෝලනයක් ඇතිවිය. කෙසේ නමුත් ගෝඨාභය රාජපක්‍ෂ මහතා ඇමෙරිකානු පුරවැසිභාවය අහෝසි කළ බවට අදාළ සියලූ ලේඛන මාධ්‍යයට ඉදිරිපත් කර තිබේ.




Wednesday, 13 November 2019

ෆෙඩරල් ලේඛනයේ නම පළවීමට මාස ගාණක් යනවා

ෆෙඩරල් ලේඛනයේ නම පළවීමට මාස ගාණක් යනවා
 - කොළඹ ඇමෙරිකානු තානාපති කාර්යාලය 


ඇමෙරිකානු පුරවැසිභාවය අහෝසි කිරීමට අදාළව ෆෙඩරල් ලේඛනයේ නම පළවීමට මාස ගණනක් කල් යා හැකි බව කොළඹ ඇමෙරිකානු තානාපති කාර්යාලයේ ප‍්‍රකාශකයකු විසින් සඳහන් කර ඇත.

 එසේම යම් අයකුගේ පුරවැසිභාවය ඉවත් කිරීමට අදාළ තොරතුරු ලබාදීමට කොළඹ ඇමෙරිකානු තානාපති කාාර්යාලයට සදාචාරාත්මක අයිතියක් නැති බවත් එම ප‍්‍රකාශනයේ සඳහන් කර ඇත.

 ගෝඨාභය රාජපක්‍ෂ මහතාගේ නම මෙතෙක් ෆෙඩරල් ලේඛනයේ පළ වී නොමැතිවීමට අදාළව පසුගිය දිනවල යළිත් ආන්දෝලනයක් ඇතිවිය. කෙසේ නමුත් ගෝඨාභය රාජපක්‍ෂ මහතා ඇමෙරිකානු පුරවැසිභාවය අහෝසි කළ බවට අදාළ සියලූ ලේඛන මාධ්‍යයට ඉදිරිපත් කර තිබේ.

Friday, 8 November 2019

බළලා මල්ලෙන් පිටතට පැනීම නොහොත් සජිත් රට පාවා දීම.


බළලා මල්ලෙන් පිටතට පැනීම නොහොත් සජිත් රට පාවා දීම.




දෙමළ පක්ෂ කොන්දේසි 13 ක පැනවූවා.
ඒවයින් රට බෙදන්න යෝජනා කරලයි තියෙන්නේ.
ගේඨා සහ අනුර මේ විනාශකාරී ඉල්ලීම් ඉටු කරන්නෙ නෑ කියලා ප්‍රසිද්ධියේම කිව්වා.
සජිත් කළේ මෙහෙම ඉල්ලීම් තියෙන බව වත් නොදන්නා සේ දෙමළ පක්ෂවල සහය ගැනීමයි.



මෙන්න අන්තිමේට TNA විශ්වවිද්‍යාල සිසුන් ලවා මෙහෙම කියවනවා.
TNA ඩසහය ලබන අපේක්ෂකයා ඉල්ලීම් 13 ඉටු නොකළොත් මාස 3 කදී ජනතාව පාරට බස්සනවා.”

        රට පාවා දෙන සජිත්/රනිල් හවුල පරදමු.



Thursday, 7 November 2019

පූර්ණ ලෙස බලය බෙදීම යනු රට බෙදීමයි



                                                             මානව හිමිකම් කටයුතු පිළිබඳ නීතිඥ - කල්‍යානන්ද තිරණාගම

හංසයා ලකුණින් තරග කරන සජිත් පේ‍්‍රමදාස මහතාගේ ප‍්‍රතිපත්ති ප‍්‍රකාශනය පිළිබඳව මානව හිමිකම් කටයුතු පිළිබඳ නීතිඥ කල්‍යානන්ද තිරණාගම මහතා දැක්වූ අදහස් පහත පරිදි වේ.

ප‍්‍රශ්නය - ඉලංගෙයි තමිල් අරසු කච්චි පක්‍ෂය තීරණය කරලා තිබෙනවා ඉදිරි ජනාධිපතිවරණයේදී සජිත් පේ‍්‍රමදාස මහතාට සහයෝගය ලබාදෙන්න. එම තීරණය ඔබ දකින්නේ කෙසේද?

 පිළිතුර - මීට දින කිහිපයකට පෙර දෙමළ සන්ධානය යෝජනා 13 කින් සමන්විත යෝජනා මාලාවක් ඉදිරිපත් කළා. එම යෝජනා ඉදිරිපත් කළේ සියලූ අපේක්‍ෂකයන් සඳහා. ඒ සඳහා ඉලංගෙයි තමිල් අරසු කච්චි පක්‍ෂය ප‍්‍රධාන තවත් පක්‍ෂ 4 ක් සම්බන්ධ වී තිබුණා. ඉල්ලීම් 13 ඉදිරිපත් කළ අවස්ථාවේදී ඔවුන් සඳහන් කළා ඔවුන්ගේ සහයෝගය හිමිවන්නේ එම ඉල්ලීම් පිළිගන්නා අපේක්‍ෂකයාට බව.

 ගෝඨාභය රාජපක්‍ෂ මහතා එම ඉල්ලීම් ප‍්‍රතික්ෂේප කරලා තිබුණා එම අවස්ථාවේදී. නමුත් සජිත් පේ‍්‍රමදාස මහතා ඒ පිළිබඳව වචන මාත‍්‍රයක් සඳහන් නොකර නිහඬව සිටියා. ඒ අතරේ නොවැම්බර් 03 වැනි දින දෙමළ සන්ධානය ප‍්‍රකාශ කළා ඔවුන්ගේ සහයෝගය සජිත් පේ‍්‍රමදාස මහතාට ලබාදෙන බව.

 සජිත් පේ‍්‍රමදාස මහතා දෙමළ සන්ධානයේ ඉල්ලීම් 13 පිළිගෙනද? සජිත් පේ‍්‍රමදාස එම ඉල්ලීම් ප‍්‍රතික්ෂේප කරලා නම් නැහැ.

 මේ අවස්ථාවේදී අපි බලන්න ඕනි පසුගිය කාලයේදී දමිළ සන්ධානය සහ එක්සත් ජාතික පක්‍ෂය අතර තිබුණ සම්බන්ධය. මේ ආණ්ඩුව බලයට ගෙනාවේ දෙමළ සන්ධානය සම්බන්ධ වෙලා. 2013 දී සිංගප්පූරු මූලධර්ම කියන ලියැවිල්ල සකස් කිරීම සඳහා මූලිකත්වය ගත්තෙත් දෙමළ ජාතික සන්ධානයේ සුමන්තිරන්. සුමන්තිරන් ආණ්ඩුක‍්‍රම ව්‍යවස්ථා සංශෝධනයන් සඳහා යෝජනා 10 ක් ඉදිරිපත් කළා. එම යෝජනා අතර තිබුණ එක් කාරණයක් තමයි නව ආණ්ඩුක‍්‍රම ව්‍යවස්ථාවේ තිබිය යුතු කාරණා මොනවාද කියන එක.

 පසුගිය ඉරිදා සුමන්තිරන් කළ ප‍්‍රකාශයක් විiුත් මාධ්‍යවල ප‍්‍රචාරය වූවා. එහිදී සුමන්තිරන් ප‍්‍රකාශ කළා සජිත් පේ‍්‍රමදාසගේ ප‍්‍රතිපත්ති ප‍්‍රකාශනය කියවා බලා ඒ අනුව ඔහුට සහයෝගය ලබාදීමට තීරණය කළ බව.

 එයින් පැහැදිලි වන්නේ කුමක්ද? එයින් පැහැදිලි වනවා සජිත්ගේ ප‍්‍රතිපත්ති ප‍්‍රකාශනය තුළ දෙමළ සන්ධානයේ ඉල්ලීම් 13 ඉෂ්ට කිරීමට අවශ්‍ය දේ තිබෙන බව.

 ප‍්‍රශ්නය - දෙමළ සන්ධානය ඉල්ලපු ඉල්ලීම් 13 මොනවාද?

 පිළිතුර - ඉතා භයානක ඉල්ලීම් 13 ක් තමයි ඔවුන් ඉල්ලලා තිබෙන්නේ. එක ඉල්ලීමක් තමයි නව ආණ්ඩුක‍්‍රම ව්‍යවස්ථාවක් යටතේ උතුර සහ නැගෙනහිර ඒකාබද්ධ කොට ස්වයං නිර්ණ අයිතිය

 ලබාගැනීම. ස්වයං නිර්ණ අයිතිය කියන්නේ වෙන්වීමේ අයිතිය. දෙවැනි භයානක ඉල්ලීම තමයි උතුර සහ නැගෙනහිර රජයේ ඉඩම් නිදහස් කරන්න කියන එක. ඒ කියන්නේ එම පළාත්වල රජයේ ඉඩම් තියෙන්න බැහැ කියන එක. තුන්වැනි යෝජනාව තමයි උතුර සහ නැගෙනහිර සිංහල ජනාවාසකරණය නතර කිරීම සහ සිංහල ගම්මාන වහාම ඉවත් කිරීම. එම ඉල්ලීම අනුව අම්පාර, වැලිඔය, සේරුවිල යන ප‍්‍රදේශවල සිටින සිංහල ජනතාවත් එම ප‍්‍රදේශවලින් ඉවත් කිරීමට සිද්ධ වෙනවා. ඊළඟ භයානක ඉල්ලීම තමයි මහවැලි සංවර්ධන ක‍්‍රියාවලිය යටතේ උතුර සහ නැගෙනහිර පළාත්වල සිදුකර ඇති සිංහල ජනාවාසකරණය නැවැත්වීම සහ පිහිටුවා ඇති ජනාවාස ඉවත් කිරීම. මොරගහකන්ද ජලාශයෙන් උතුරට වතුර දෙන්න ඕනි නමුත් සිංහල ජනාවාස බෑ. එපමණක් නොවෙයි පිහිටුවා ඇති ජනාවාසත් ඉවත් කළ යුතුයි. මේ කියන්නේ වවුනියාව, කිළිනොච්චිය යන ප‍්‍රදේශවල සිංහල ජනතාව ඉවත් කරන්න කියන එක තමයි ඊළඟ ඉල්ලීම තමයි පුරාවිiා, වනජීවී හා වන සංරක්‍ෂණ දෙපාර්තමේතු යටතේ ඇති දෙමළ ජනතාවගේ නිජභූමි වහාම නිදහස් කිරීම. පුරාවිiා දෙපාර්තමේන්තුව යටතේ දෙමළ ජනතාවගේ භූමි නෑ. ඒ ඉඩම් සියල්ලම රජයේ ඉඩම්. මෙම ඉල්ලීමේ තේරුම තමයි උතුර - නැගෙනහිර තිබෙන සියලූම පුරාවස්තු විනාශ කිරීම සඳහා මේ අයට දෙන්න කියන එක. අනෙක් භයානක යෝජනාව තමයි යුද සමයේදී සිදුවූ යුද අපරාධ වෙනුවෙන් ජාත්‍යන්තර මැදිහත්වීමක් මත පරීක්‍ෂණයක් පවත්වා වැරදිකරුවන්ට දඬුවම් ලබාදෙන ලෙසට කරපු යෝජනාව.

 මේ වගේ යේජනා මීට පෙරත් කරලා තිබෙනවා. ඉන්දු - ලංකා ගිවිසුම අත්සන් කිරීමට පෙර පැවති තිම්පු සාකච්ඡුාවලදීත් උතුර සහ නැගෙනහිර ප‍්‍රදේශ දෙමළ ජනතාවගේ නිජභූමිය ලෙස පිළිගන්නා ලෙස ඉල්ලා සිටියා. වඩුක්කොඬේ සම්මේලනයේදීත් ඔය යෝජනා ඉදිරිපත් කළා. 1949 සිට ඉලංගෙයි තමිල් අරසු කච්චි පක්‍ෂය එම යෝජනා ඉදිරිපත් කරලා තිබෙනවා.

 එපමණක් නොවෙයි දෙමළ සන්ධානය ඔය යෝජනා මාලාව ඉතා පැහැදිලිව ආණ්ඩුක‍්‍රම ව්‍යවස්ථා සංශෝධන සඳහාත් ඉදිරිපත් කරලා තිබෙනවා.

 ප‍්‍රශ්නය - සජිත් පේ‍්‍රමදාස මහතා ඔය යෝජනා පිළිගෙන තිබෙන බව ප‍්‍රකාශ කරන්නේ කුමන පදනමකින්ද?

 පිළිතුර - සජිත් පේ‍්‍රමදාස මහතාගේ ප‍්‍රතිපත්ති ප‍්‍රකාශයේ 15 සහ 16 යන පිටුවල සඳහන් ජනතාවගේ ව්‍යවස්ථාව යන කොටසේ ඉතා පැහැදිලිව සඳහන් කරලා තිබෙනවා, ආණ්ඩුක‍්‍රම ව්‍යවස්ථාවන් සඳහා ඉදිරිපත් කළ යෝජනා මාලාවේ තිබුණේ භයානක යෝජනා.

 සජිත් පේ‍්‍රමදාස මහතා ජනාධිපති අපේක්‍ෂකයා ලෙස නම් කිරීමට පෙර රනිල් වික‍්‍රමසිංහ මහතා ඉල්ලා සිටියා දෙමළ සන්ධානය සමග කතා කරලා එන්න කියලා. ඒ අනුව ඔහු දෙමළ සන්ධානය සමග සාකච්ඡුා කළා. නමුත් කතා කළේ මොනවද කියල කිව්වේ නෑ. ඔවුන් සමග එකඟතාවට ආපු නිසා තමයි සජිත් මහතාට නාමයෝජනා ලබාදුන්නේ.

 සජිත් පේ‍්‍රමදාස මහතා ප‍්‍රකාශ කරලා තිබෙනවා ඔහු පූර්ණ ලෙස බලය බෙදීමට එකඟ බව. නමුත් පූර්ණ බලය බෙදීම කියන්නේ කුමක්ද කියලා කොහේවත් පැහැදිලි කරලා නෑ. පූර්ණ බලය බෙදනවා කියන්නේ ඉල්ලන ඉල්ලීම් ටික දෙනවා කියන එක තමයි.

 ශ්‍රේෂ්ඨාධිකරණයේ තීන්දුවකට අනුව 2003 දී පමණ උතුර සහ නැගෙනහිර පළාත් දෙකකට වෙන් කළා. නමුත් ඊට පසුව 2006 දී රනිල් වික‍්‍රමසිංහ මහතා පාර්ලිමේන්තුවේදී ප‍්‍රකාශයක් කළා උතුර සහ නැගෙනහිර ඒකාබද්ධ කිරීම සඳහා යෝජනාවක් ගෙන ආවොත් ඒ සඳහා එ. ජා. පක්‍ෂයේ සහයෝගය ලබාදෙන බව. ඒ අනුව පැහැදිලි වනවා උතුර සහ නැගෙනහිර ඒකාබද්ධ කිරීම එ. ජා. පක්‍ෂයේ ප‍්‍රතිපත්තිය වන බව.

 සජිත් පේ‍්‍රමදාස මහතාට සුගතදාස ගෘහස්ථ ක‍්‍රීඩාංගණයේදී අපේක්‍ෂකත්වය ලබාදුන් අවස්ථාවේදී රනිල් වික‍්‍රමසිංහ මහතා ප‍්‍රකාශ කළා අලූත් ආණ්ඩුවේ පළමු කාරණය ලෙස හය මාසයක් තුළ අලූත් ආණ්ඩුක‍්‍රම ව්‍යවස්ථාව ගෙන එන බව. දෙවැනි කාරණය තමයි සජිත් මහතාගේ නායකත්වය යටතේ මගේ න්‍යාය පත‍්‍රය ක‍්‍රියාත්මක කරන බවට රනිල් මහතා කළ ප‍්‍රකාශය. එම න්‍යාය පත‍්‍රයේ පළමු කාරණය තමයි උතුරට සහ නැගෙනහිරට ස්වාධීන පාලනයක් ලබාදෙන විධියේ ආණ්ඩුක‍්‍රම ව්‍යවස්ථාවක් ගෙන එනවා කියන එක. මෙම ප‍්‍රතිපත්ති ප‍්‍රකාශනයේ ඊට අවශ්‍ය දේ තිබෙනවා. එහි තිබෙනවා නව පාර්ලිමේන්තුව විසින් අරම්භ කරන ලද අග‍්‍රාමාත්‍යවරයාගේ එකඟත්වය මත විධායක ජනාධිපති ධුරයේ ක‍්‍රියාකාරීත්වය අහෝසි කිරීම පිළිබඳව. එම ධුරය අහෝසි කළ ගමන් දෙමළ සන්ධානයේ ඉල්ලීම් ටික ලැබෙනවා. ඒ වගේම බලය බෙදීමේ ක‍්‍රියාවලිය ප‍්‍රමාදයකින් තොරව අවසන් කරන බවත් එහි තිබෙනවා. ඒ වගේම මෙම ප‍්‍රතිපත්ති ප‍්‍රකාශනයේ තවදුරටත් සඳහන් කරලා තිබෙනවා ආණ්ඩුක‍්‍රම ව්‍යවස්ථා සභාව විසින් පත්කරන ලද ස්වාධීන රජයේ අභිචෝදකයකු බිහිකරන බව. ඒ කියන්නේ උතුර සහ නැගෙනහිරට වෙනම ඇටෝර්නි ජනරාල් කෙනකු දෙනවා කියන එක තමයි. ඊළඟට ආණ්ඩුක‍්‍රම ව්‍යවස්ථාවේ අධිකරණ අර්ථ නිරූපණය ශ්‍රේෂ්ඨාධිකරණයෙන් ඉවතට ගෙන ආණ්ඩුක‍්‍රම ව්‍යවස්ථා අධිකරණයට යොමු කරන බව සඳහන් කරලා තිබෙනවා. එමඟින් පළාත් අතර ආරවුල් නිශ්චය කරන බවත් එහි සඳහන් කරලා තිබෙනවා. මේ කියන්නේ වෙනම ව්‍යවස්ථා අධිකරණයක් පිහිටුවනවා කියන එක තමයි. නොබෙදුණු සහ වෙන් කළ නොහැකි ශ‍්‍රී ලංකාවක් තුළ උපරිම බලය බෙදාහැරීමක් කරන බවත් මෙම ප‍්‍රතිපත්ති ප‍්‍රකාශනයේ සඳහන් වෙනවා.

 ආණ්ඩුක‍්‍රම ව්‍යවස්ථාව සකස් කිරීම සඳහා මුල් වූ අය සඳහන් කළා අපට ලේබල් වැඩක් නොමැති බවත් අවශ්‍ය වන්නේ ක‍්‍රියාකාරීත්වය පමණක් වන බවත්. එහි හරය තමයි බලය දෙනවා නමුත් ඒකීය යන වචනය යොදනවා. නමුත් මෙම ප‍්‍රතිපත්ති ප‍්‍රකාශනයේ ඒකීය රටක් ගැන කිව්වත් ඒකීය රාජ්‍යයක් පිළිබඳව සඳහන් වන්නේ නැහැ.

 ඒ වගේම මොවුන් සිංහලෙන් ඒකීය යන වචනය යෙදුවත් දෙමළ පිටපතට යොදන්නේ ඔරුමිත්තනාඩු යන වචනය. ඔරුමිත්තනාඩු කියන්නේ එක්සත් කියන එක මිස ඒකීය කියන එක නෙවෙයි. සම්බන්ධන් 2016 දී අපට ලේබල් වැදගත් නොවන බව සඳහන් කරලා තිබෙනවා. සම්බන්ධන් කියලා තිබෙනවා එක්සත් නොබෙදුණු සහ නොබෙදිය හැකි ශ‍්‍රී ලංකාවක් තුළ නව ව්‍යවස්ථාව සකස් කරන බව. එම ව්‍යවස්ථාව සම්මත වීමෙන් පසුව මහ ආණ්ඩුව ආරක්‍ෂාව, විදේශ කටයුතු, එක් මුදල් ඒකකයක්, එක් විදේශ ගමන් බලපත‍්‍රයක් පමණක් ඉතිරි කර අනෙක් සියලූ බලතල ඔවුන්ට අවශ්‍ය බව ප‍්‍රකාශ කරලා තිබෙනවා. පූර්ණ බලය බෙදීම කියන්නේ ඒක තමයි. ඔය ටික දුන්නට පස්සේ උතුර සහ නැගෙනහිරින් සිංහලයන් එලවන එක ප‍්‍රශ්නයක් නොවෙයි. ඒ වගේම පුරාවස්තු ටික විනාශ කරන එකත් ප‍්‍රශ්නයක් නෙවෙයි.

 මෙම ප‍්‍රතිපත්ති ප‍්‍රකාශනයේ පළාත් සභා නියෝජිතයන්ගෙන් සමන්විත දෙවැනි සභාවක් හෙවත් සෙනට් සභාවක් පිහිටුවන බවත් සඳහන් වෙනවා. ආණ්ඩුක‍්‍රම ව්‍යවස්ථා මණ්ඩලය විසින් සකසපු යෝජනා මාලාවෙන් සෙනට් සභාවක් පිළිබඳව සඳහන් වෙනවා. ඉල්ලන ඒවාටත් වඩා දෙන්න තමයි මේ සූදානම් කරලා තිබෙන්නේ. මුදල් රැුස්කිරීමේ බලයත්, බෙදාහරින ලද බලය ක‍්‍රියාත්මක කිරීමේ බලයත් ලබාදෙන බවත් මෙම ප‍්‍රතිපත්ති ප‍්‍රකාශනයේ තිබෙනවා. දැන් පළාත් සභාවලට මුදල් බලතල නෑ. එම බලතල තිබෙන්නේ මහ ආණ්ඩුවට පමණයි. ඒ වගේම රජයේ නිලධාරීන් ආණ්ඩුවේ කටයුතු සහ පළාත් සභාවල කටයුතු කරන බවත් සඳහන් කරලා තිබෙනවා. එතකොට හැඳුනුම්පත හදන්න, පාස්පෝට් එක හදන්න එතනට දෙන්න පුළුවන්. මෙම යෝජනාවල ත‍්‍රිවිධ හමුදාව පිළිබඳව සඳහන් කළත් පොලිසිය පිළිබඳව සඳහන් කරලා නෑ. එයින් පැහැදිලි වෙනවා පොලිස් බලතලය ලබාදෙන බව.

 පොලිස්, ඉඩම් සහ මුදල් ලැබුණට පසු බිහිවන්නේ වෙනම රටක් තමයි. මේ අනුව පැහැදිලි වනවා සජිත් පේ‍්‍රමදාස මහතා දෙමළ සන්ධානයේ ඉල්ලීම් 13 ලබාදීමට එකඟ වී ඇති බව. එම නිසා තමයි දෙමළ සන්ධානය ඔහුට සහයෝගය ලබාදීමට තීරණය කරලා තිබෙන්නේ.

 මේ කියන්කේ සජිත් දිනුවොත් ශී‍්‍ර ලංකාව තවදුරටත් රටක් වශයෙන් පවතින්නේ නැහැ කියන එක තමයි. ප‍්‍රභාකරන්ට යුද්ධයෙන් දිනා ගැනීමට නොහැකි වූ දේවල් රනිල් සහ සජිත් එකතු වෙලා දෙනවා.

 උතුර සහ නැගෙනහිර ජල විදුලිය උපදවන්න බෑ. ඒ වගේම එම ප‍්‍රදේශවල ජලය නැහැ. ගංගාවක් හරවල තමයි එම ප‍්‍රදේශයට ජලය දෙන්නේ. එම පසුබිම තුළ සජිත් මහතාගේ ප‍්‍රතිපත්ති ක‍්‍රියාත්මක කළහොත් ඇති වන්නේ එළදෙනගේ කිරි තිබෙන ප‍්‍රදේශය ඔවුන්ට දීලා තණකොළ කැවීම අපි භාරගත්ත වගේ වැඩක්. ඒ කියන්නේ මෙම ප‍්‍රදේශවල වියදමින් උතුර සහ නැගෙනහිර වෙනම රටක් ලෙස පාලනය වනවා. එම ප‍්‍රදේශය සම්පූර්ණයෙන්ම වෙන්කර ගන්නවාට වඩා එම තත්ත්වය ඔවුන්ට වාසිදායකයි.


(දිවයින පුවත්පතිනි)

Wednesday, 30 October 2019

කතිරය X පමණක් ඇති



ජනාධිපතිවරණයකදී ‌තෝරන්නේ ඒක් 
පුද්ගලයෙක් නිසා කතිරය 

X

හොඳටම ඇති.

ආයෙ ‌මොන ඉලක්කම්ද ?


Wednesday, 23 October 2019

කර්මය පළදීම ‌නොහොත් කුඩු වී මිය යාම


තරුණ තරුණියන් ප්‍රධාන 60,000කට ආසන්න පිරිසක් චිරස්චින ලෙස ඝාතනය වූ 1986 සිට 1990 දක්වා පැවති ජවිපෙ 2වැනි කැරැල්ලෙන්ද නිදසුන් එමටය. බොහෝ දෙනෙකු ඝාතනය කළේ වධබන්ධන වලට මුහුණදීමෙන් පසුවය. ගෞරවනීය මරණයක් වෙනුවට මහමඟ ටයර් සෑයවල් උරුම විය.  කර්මය පලදීමේදී සමාජ තරාතිරම් කිසිවක් වැදගත් නැත. රජකම් කලත් කලකම් පළදේ යනුවෙන් කියමනක් ඇත.



බොහෝ දෙනෙකුට ස්වභාවික මරණයක් හිමි නොවීය. එය ස්වභාදහමේ නියතය විය. ඇතැම් බෝම්බවලට හසුවී අකල් මරණයන්ට ලක්වූ අයගේ අළු පොදක් පවා සොයාගැනීම අසීරු විය. ජනප්‍රවාදයේ ප්‍රකට කියමනක් වන්නේ කරන කලට පව් මීරිය මීසේ විඳින කලට දුක් දැඩිවෙයි ගිනි සේ යන්නය. වධදීම් සහ ඝාතන වලට සම්බන්ධවු බහුතරයකටම වාගේ සුවදායක ජිවිතයක් හෝ ගෞරවනීය මරණයක් හිමිවූයේ නැත.


ජවිපෙ 2වැනි කැරැල්ල මුළුමනින් පරාජය කිරීමට දේශපාලන නායකත්වය ලබාදුන් 
ජනාධිපති රණසිංහ ප්‍රේමදාස දෙමළ බෙදුම්වාදී කොටි සංවිධානයේ 
මරාගෙන මැරෙන බෝම්බයකින් ආමර්වීදියේදී හංදියේදී 
1993 මැයි 1දා ඝාතනයට ලක්වූ අවස්ථාවේ 
එම ස්ථානය දිස්වූයේ මෙසේය. 
එහිදී ජනාධිපතිගේ ආරක්ෂකයින් ඇතුළු 16 දෙනෙක්ද මරු වැළඳ ගත්හ.(ඉහළ) 
සහ ජනාධිපති ප්‍රේමදාස ඝාතනයෙන් පසු 
පවුලේ ඥාතීන් මතක වස්ත්‍ර පූජාව සිදුකල අයුරු(පහළ).



60,000කට ආසන්න පිරිසක් ඝාතනයට ලක්කරමින් 
ජවිපෙ දෙවැනි කැරැල්ල පරාජය කිරීමට සංවිධානාත්මක නායකත්වය දුන් 
එජාප සභාපති සහ ජාතික ආරක්ෂක ඇමති රන්ජන් විජේරත්න
දෙමළ බෙදුමාවාදී කොටි සංවිධානයේ කාර් බෝම්බයකින් 
හැව්ලොක් ටවුමේ පොලිස් ක්‍රීඩාංගනය ඉදිරිපිටදී 
1991 මාර්තු 2වැනිදා ඔහුගේ වාහනය සමගින්ම 
දැවී අළුවී ගිය අයුරු(ඉහළ) 
ඇමති විජේරත්න ඇතුළු පුද්ගලයින් 17ක් 
ඝාතනයවූ එම ස්ථානයේ දර්ශනයක්(පහළ).










කීර්තිධර මාධ්‍යවේදී රිචඩ් සොයිසා(වමේ) 
ඔහු සිය රාජගිරියේ නිවසේ සිටියදී 1990 පෙබරවාරි 18 අලුයම 3.30ට 
පැහැරගෙන ගොස් ඝාතනයකර සොයිසාගේ සිරුර මොරටුව මුහුදට දැමූ 
සැලසුම මෙහෙයවූ ජේෂ්ඨ පොලිස් අධිකාරි රොනී ගුණසිංහ(දකුණේ)ද 
1993 මැයි 01 ජනපති ප්‍රේමදාස ඝාතන සිදුවීමේදී 
එම බෝම්බයටම හසුවී දැවී අළුවී ගියේය. 
රිචඩ්ගේ සිරුර 1990 පෙබරවාරි 19වැනිදා 
මොරටුව කොරළවැල්ල දුම්රිය ස්ථානය අසළට ගොඩගසා තිබිණි. 




උපුටා ගැනීම අන්තර්ජාලයේ පළවූ ධර්මන් වික්‍රමරත්න ‌ගේ ලිපියකිනි.







ප්‍රේමදාස සහ ප්‍රේමදාස


The Sunday Times පුවත්පතට ආරක්ෂක  තොරතුරු පිළිබඳව වසර  ගණනක් ලිපි ලිවූ ඉක්බාල් අතාස් UPI පුවත් සේවයට ලියන  ලද  ලිපියකට අනුව ඔහුට දුරකතනයෙන් කතා  කළ  උඩුගම්පොල , පේරාදෙණිය විශ්ව විද්‍යාලයේ රෙජිස්ටාර් වරයාවූ T.E. නාගහවත්ත මහතා දිවා  ආහාරයට  නිවසට  යාමට මෝටර් රථයට  නගින විට    ජවිපෙ විසින් ඔහුට  වෙඩි තබා  මරා දැමීමෙන් පසු  එහි කඩා වැදුණු කණ්ඩායමක්  එහි සේවකයන් 14 දෙනෙකු අල්ලාගෙන   ඔවුන්ගෙන්  6 දෙනෙකුගේ බෙලිකපා සරසවි භුමියේ  කුඩා  පොකුණක් වටා තබා  තිබෙන බවත් අනෙක් 8 දෙනාට වෙඩි තබා  මරා දමා  තිබෙන බවත් කියා   තිබේ. ‘කන්ද උඩරට  උකුස්සෝ ‘ නැමති සංවිධානයක්  විසින්  රෙජිස්ටාර්වරයා මර දැමීමට  පලිගැනීමක් ලෙස   එය  කර ඇති බව  උඩුගම්පොල වැඩි දුරටත් ඉක්බාල් අතාස් ට  කියා  තිබේ  . ඒම ඝාතන උඩුගම්පොලගේ නියෝගයකින් හෝ  ආශිර්වාදයෙන්  කෙරුණු බවට සිතීම සාධාරණය.



ජවිපෙ විනාශ කිරීම  තම එකම රාජකාරිය  කර  ගත් අය අතර උඩුගම්පොල ප්‍රමුඛයෙක් විය. නීති රීති  බල්ලට දමා  මිනිසුන් ඝාතනය  කරන ලෙස  ආණ්ඩුවට  යෝජනාකරන ලද්දේ ඔහු බව  කියනු ලැබේ.  හමුදා  පවුල් තුනක් ඝාතනය  කිරීමට  පලි ගැනීමක් ලෙස  උඩුගම්පොලගේ රාජකාරී ප්‍රදේශයට අයත්  මැණික්හින්නේ  මිනිසුන් 150 ක් එක දිනකදී  මරා දමනු ලැබිණ.
විශ්‍රාම යාමෙන් පසු එක්සත් ජාතික පක්ෂයට සම්බන්ධ වූ අතර  ඔහු ප්‍රේමදාසගේ  ගජයෙක් බවට  පත්විය . ප්‍රේමදාසට එරෙහිව  ලලිත් ඇතුලත්මුදලි සහ ගාමිණී දිසානායක නායකත්වය දුන් අවස්ථාවේදී   උඩුගම්පොලද එයට එක් වීම නිසා ප්‍රේමදාස ඔහුගෙන් පලි ගැනීමට  සුදානම් විය.  මෙය දැනගත් උඩුගම්පොල ඉන්දියාවට  පැන ගිය අතර  යලි  ඔහු ලංකාවට  පැමිණියේ  ප්‍රේමදාස කොටි බෝම්බයෙන් 1993 දී මිය යාමෙන් පසුවය .
එක්සත්  ජාතික  පක්ෂය සමග  යලිත් දේශපාලනය  කළ  ඔහු 2010 ජනාධිපතිවරණයේදී සරත්  ෆොන්සේකා  දිනවීමට වෙහෙස  මහන්සිවී  කටයුතු කළේය . ජවිපෙද සරත් ෆොන්සේකා දිනවීමට මුලිකත්වය ගෙන  තිබු  බැවින්  පරම සතුරන් දෙදෙනෙකු එක අරමුණක් වෙනුවෙන් එකතු වීම    88-89  මියගිය අයට කරන  ලද සරදමක් ලෙස ඇතැමෙකු දකිනු ඇත.  
(අන්තර්ජාලයෙන් උපුටා ගැනීමනි.)